Description
Die liefde van Tallie deur Nita Griessel is ’n Afrikaanse liefdesroman oor twee geliefde dorpsmense wat mekaar eenvoudig nie kan verdra nie.
Tallie Verster is al van kleins af die liefling van die dorp. As negejarige weeskind het sy daar aangekom en mettertyd ’n spesiale plek in die gemeenskap verwerf. Dan trek dokter Wouter Reyneke na die omgewing. Hy is ’n bekwame dokter, ’n hulpvaardige buurman en die nuwe eienaar van Hoeksplaas. Ook hy word gou ’n gewilde lid van die gemeenskap.
Maar agter die twee se goeie reputasies skuil ’n heel ander verhouding. Wouter se meerderwaardige houding maak Tallie woedend, terwyl sy op haar beurt sy vriendelike toenaderings verwerp. Waarom bots hierdie twee mense so hewig, en is daar dalk meer agter hul voortdurende struwelinge as wat een van hulle wil erken?














