Duet vir die Lewe – Phillip & Ella Kotze

Description

Leef saam as’n lieflike melodie uit God se hart.

Duet gaan oor meer as net twee mense wat saamsing. Duet is ‘n oomblik van harmonie tussen lewensmaats; dis ‘n tyd van saamwees, saamdeel en saamgroei in ‘n gesamentlike lewensdoel. Duet is ‘n unieke geleentheid om, ná ‘n gedeelde werkdag, as Gees-genote saam tyd deur te bring met die Bybel, en tegelyk julle liefdesverhouding voor God se oë te bou.

Duet vir die lewe is ‘n dagboek wat fokus op jonk-van-gees- mense, pare van alle ouderdomme wat die uitdaging aanvaar om, te midde van ons verworde wêreld, ‘n vol lewe vir Christus te lei. Dit is geskryf deur ‘n gewilde sangpaar wat as lewensmaats mekaar aanvul en hulle geloof voluit uitleef. Die boek toon hoe lewensmaats ook geloofmaats kan wees wat verantwoordelikheid aanvaar vir mekaar se groei om meer soos Jesus te word.