Description
Omnibus 32 sluit die twee prag verhale in uit die pen van Ena Murray
Ter wille van ons drome (1987): In ‘n hoogaangeskrewe ginekoloog, dr. Jan van Warmelo, se ontvangskamer leer vier vroue mekaar deur en deur ken. Daar is Wanka Gerber, wat met haar hele hart ‘n kindjie begeer maar haar man is steriel. Die mooie Karmen Eloff, getroud met die miljoenêrsakeman Chris, sit met dieselfde probleem, en so ook Joanola Roux, vrou van dominee Lerm Roux. Die vierde lid, Elsje van Rooyen wat ook ‘n kindjie begeer, maar in haar geval is deit sy wan onmagtig is om ‘n kind te baar. Dr. Van Warmelo stel alternatiewe voor – aanneming, kunsmatige inseminasie per skenker, surrogaatmoederskap – en laat dita an die vroue oor om op ‘n alternatief te besluit…
Kinders van KIS (1988): Twintig jaar nadat Wanka, Joanola, Karmen en Elsje betraand van mekaar afskeid geneem het, ontmoet hulle weer, en wonder opnuut of die ingrypende prosedures wat jare gelede uitgevoer is, die moeite en ve3rdriet – en tog ook vreugdes – werd was. Een huwelik het reeds op die rotse beland, ‘n tweede wankel al twintig jaar lank. Een van die vroue leef al twintig jaar lank saam met die wete dat sy bedrog gepleeg het teenoor haar man: die kind wat sy in die wêreld gebring het, is nie syne nie… Nuwe vriendskappe en teer liefdesverhoudings wat na ‘n mondigwordingspartytjie begin groei, moet kort daarna wreed kortgeknip word, want een en elkeen van hulle is ‘n kind van KIS!
