Description
Vreedsame revolusie: Uit die enjinkamer van die onderhandelinge deur Niël Barnard en Tobie Wiese vertel van die politieke onderhandelinge wat Suid-Afrika in die vroeë 1990’s van apartheid na ’n demokratiese bestel moes lei. Nelson Mandela is vrygelaat, maar die land staan op ’n mespunt en ’n vreedsame oorgang is allesbehalwe gewaarborg. Te midde van dreigende geweld kom die Nasionale Party-regering en die ANC by Kodesa aan die onderhandelingstafel te staan.
As hoof van die Nasionale Intelligensiediens (NI) was Barnard diep betrokke by hierdie proses. Hy vertel hoe vertrouensbande tussen die ANC en die NI deur geheime ontmoetings in Europese hotelkamers opgebou is, en deel ook sy ervarings in Moskou saam met die Russiese KGB. Die boek bied ’n blik op die geheime gesprekke, politieke spanning en agter-die-skerms-werk wat ’n deurslaggewende rol in Suid-Afrika se oorgang gespeel het.





























