Description
Steinhoff en die Stellenbosse Boys deur James-Brent Styan vertel die verhaal agter die ineenstorting van die Steinhoff-sakeryk, wat binne 24 uur in Desember 2017 meer as R160 miljard se waarde verloor het. Die boek ondersoek hoe Markus Jooste en sy span daarin geslaag het om Steinhoff oor twee dekades tot ’n internasionale sakereus uit te bou, voordat die omvang van die finansiële probleme aan die lig gekom het.
Wie het geweet wat aangaan? Hoe het Markus Jooste, Christo Wiese, Shoprite en Pepkor by die groter prentjie ingepas, en wat het van beleggers en pensioenarisse se geld geword? Deur onderhoude, vertroulike dokumente en diepgaande navorsing rekonstrueer Styan die gebeure en die mense agter een van Suid-Afrika se grootste finansiële ineenstortings. ’n Feitelike sake-ondersoek met die spanningslyn van ’n riller.































