Reën vir Stofvlei – Katherine Graham

Description

Reën vir Stofvlei is Graham se eerste roman. Die boek is in Engels geskryf, maar in Afrikaans vertaal deur Elsa Silke.

Toe ek tien was, het ek geglo ek kan enigiets doen. Dis seker hoe dit met die meeste kinders is, maar ek het in
die gramadoelas grootgeword, in die middel van nêrens. Al wat ek geken het, was my ouers se winkel, ons yl troppie skape en die plaas waarop ons gewoon het. Dit was amper niks – ’n stofkorrel op die uitgestrekte, leë vlaktes van die Boesmanland. Dit was die veertigs en daar was ’n wêreldoorlog wat woed. Maar al waaraan ek kon dink, was die somerreën wat wegbly. Stofvlei was my hele wêreld, en dáár was alles wat ek liefgehad het. Toe die verlammende droogte dreig om ons plaas te vernietig en die lewe uit mens en dier te suig, het ek geweet ek moet iets probeer doen. Dít is die storie van hoe ons die plaas gered het.