Description
Fiela se Kind deur Dalene Matthee is ’n aangrypende Afrikaanse historiese roman oor identiteit, familie, liefde en die onreg van vooroordeel.
Aan die een kant van die berg, in die Lange Kloof, woon Fiela Komoetie saam met Benjamin, die wit seuntjie wat sy as driejarige voor haar deur gekry en met liefde grootgemaak het. Aan die ander kant, in die Knysna-bos, treur Elias en Barta van Rooyen steeds oor hul verlore seun. Wanneer twee sensusmanne jare later Benjamin se bestaan ontdek, word sy herkoms bevraagteken en word hy van Fiela weggeneem om by die Van Rooyens te gaan woon. Skielik moet hy ‘n vreemde lewe aanvaar en worstel met die vraag wie hy werklik is. Selfs wanneer hy ouer word, bly die waarheid oor sy identiteit hom ontwyk.
Teen die agtergrond van die Knysna-bos en die gemeenskappe van die Lange Kloof ondersoek Matthee ras, klas, behoort en die betekenis van ‘n moeder se liefde. ’n Kragtige verhaal wat lank ná die laaste bladsy by die leser bly.
