Description
Dis weer Daai Kat is Annalise Wiid se tweede boek. “Daai kat” is Abjater, die sleutelkarakter in die titelstorie van haar eerste boek: Abjater is ‘n Kuierkat. In Dis weer Daai Kat skryf Annalise op haar lekkerlees trant voort oor ontmoetings met mense (op haar reise as sanger, skrywer en spreker) wat terselfdertyd ook vir haar ontmoetings met God was. Die leser word genooi om saam met haar te reis, saam met haar die uiteenlopende en interessante versameling karakters te leer ken, en saam met haar verwonderd te staan oor God se onblusbare liefde vir Sy skepsels. Sy verkwiklike teenwoordigheid in hierdie stories is voorwaar padkos vir die gees.
Dis weer Daai Kat is nie net ‘n op-jou-eie-lees boek nie. Dis ook geskik vir gebruik in groepe of eredienste.
