Beskerm Jouself is ‘n handboek vir alle vroue wat vol en onafhanklike lewens sonder vrese en met die minimum risiko tot persoonlike veiligheid wil lei. Regdeur die boek val die klem op voorkoming van aanvalle of diefstal eerder as op selfverdediging. Beskerm Jouself sal jou gerusstel en jou vryer, veiliger en minder weerloos laat voel. Dit bied verstandige en praktiese raad oor hoe om gevaar te vermy, of jy op straat, by die huis of by die werk is, of besig is om te reis. Dit stel strategieë voor oor hoe om op te tree wanneer potensieel moeilike of gevaarlike situasies jou in die gesig staar, maar verduidelik ook wat jy moet doen indien jy wel aangeval word.
