Description
Dokter Walter Heyns is al geruime tyd verlief op suster Karla Morkel, maar sy beskou hom net as ‘n baie goeie vriend. Toe haar broertjie, Timmie vir wie sy sedert hulle ouers se dood sorg, ‘n operasie dringend nodig het, is Karla moedeloos en desperaat, omdat sy nie die operasie kan bekostig nie. Walter bied aan om vir die operasie te betaal en stel voor dat hulle trou – as sy vrou sal sy die geld nie hoef terug te betaal nie. Sy sien nie kans daarvoor nie, maar willig in om aan hom verloof te raak. So sal sy hom beter leer ken en dalk vir hom lief genoeg word om die kans te sien vir ‘n huwelik.
Tot haar skok moet sy ontdek dat sy stiefbroer Nardus Potgieter is – die man met wie sy lank terug ‘n verhouding gehad het en wat haar verneder het…
Sy ontmoet ook die ander stiefbroer, Anton, wat onlangs van oorsee teruggekeer het. Timmie en Rientjie, Anton se dogtertjie, word groot maats en is gou nafskeidbaar. Kort voor lank word Anton en Karla albei bewus van die vonk tussen hulle, maar wat van Walter…?
Sal Karla die voorreg van warm liefde en geluk smaak, of sal sy altyd vir ander ‘n oase in ‘n dorsland bly?
