Description
Sê groete vir Pappa deur Ena Murray is ’n Afrikaanse liefdesverhaal oor verlies, nuwe beginne en die onverwagte plekke waar liefde weer kan blom. Wanneer Reino Vos se vrou, Chrisma, hom onverwags tydens ’n sinodesitting verlaat, bedank hy as predikant en aanvaar ’n pos as hoof van die Sonopkinderhuis. Daar kom hy weer in kontak met Rita Venter, die gewese vrou van Flip, die man saam met wie Chrisma weggeloop het.
Ten spyte van die pynlike omstandighede wat hulle aan mekaar verbind, ontwikkel daar mettertyd ’n innige vriendskap tussen Rita en Reino. Maar wanneer ’n nuwe meisie by die kinderhuis aankom, word die verhouding en die rustige nuwe bestaan wat hulle begin opbou het, opnuut op die proef gestel.
