You can only add books from one seller at a time. You will need to place an order from the one seller first before placing an order with another seller.
Vaselinetjie is ’n kragtige storie oor grootword wat temas van identiteit, ras, behoort en veerkragtigheid ondersoek. Dit is ook in 2017 in ’n rolprent verwerk.
Vaselinetjie is Helena Bosman van die Noord-Kaap, maar Oupa en Oumie noem haar sommer Vaselinetjie. Sy is hulle hart se punt, tot Vaselinetjie tien jaar oud is en die Welsyn haar laat wegstuur na die kosskool in Gauteng. Want sy is wit en kan nie haar bruin oupa en ouma se regte kleinkind wees nie. Dit is 1993 en Suid-Afrika staan op die rand van ‘n nuwe politieke bestel. Soos die land verander, so word Vaselinetjie ook in die vreemde, ongenaakbare weeshuiswêrled ‘n jong vrou.
