Ons huise moet deesdae so baie rolle vervul… dit moet ‘n gesellige leefruimte wees, ‘n veilige hawe, ‘n plek waar ons aan ons persoonlike styl uitdrukking kan gee en, natuurlik, ‘n goeie belegging.
Maak jou huis nuut is propvol slim idees, nuttige wenke, kitsoplossings, sakpas-oormaak- planne en die moets en moenies vir ‘n huisverbeteringsprojek
Die boek dek alles van die basiese beginsels soos ‘n stewige struktuur en goeie beplanning tot die finale afronding om jou huis in ‘n droomplek te omskep. Dit verskaf al die antwoorde op vrae soos:
Hoe kies ek die regte soort verf en kleur vir ‘n vertrek?
Wat moet ek in ag neem as ek my kombuis wil vernuwe?
Hoe kan ek my badkamer oordoen sonder om ‘n fortuin uit te gee?
Hoe kan ek my slaapkamer ligter en ruimer laat lyk? Waar begin ek?
Die klem val deurgaans op goeie, bekostigbare veranderings wat waarde tot jou huis sal toevoeg en dit vir die eiendomsmark aantrekliker sal maak, maar wat dit bowenal ‘n plek sal maak waar jy nog lank gelukkig kan woon.
