Description
[email protected] is ’n avontuurlike jeugroman en die derde boek in die Thomas@-reeks. Die toetsreeks is verby en Thomas en sy vriende sien uit na ’n langnaweek by die see, maar dinge begin vinnig skeefloop wanneer Thomas ’n deurtjie in die vloer van die strandhuis ontdek wat reguit na die skuilplek van die gevaarlike perlemoensmokkelaar Sharky Fortuin lei.
Intussen tree Thomas se beste vriend, Hannes, skielik vreemd op, en Thomas betrap Alexandra en Lukas saam op ’n afgeleë plek tussen die rotse. Dan ontmoet hy Bianca, die blonde meisie in die grot onder die huis. Sy vriende dink hy is koekoes of dat sy verbeelding oortyd werk, maar Thomas weet dat hy haar werklik gesien en met haar gepraat het. Die verhaal kombineer avontuur, misterie en tienerverhoudings in ’n vinnige leeservaring vir jong lesers.
