Description
Terugkoms van die hertogin deur Frieda de Villiers is ’n spanningsroman oor liefde, geheimenisse en ’n raaisel rondom ’n vrou se dood. Tydens ’n vakansie op ’n klein eilandjie in die Indiese Oseaan ontmoet Monique Grignard die invloedryke hertog Gaspard de Marillac. Hulle raak verlief en trou, maar kort daarna verongeluk Monique. Haar lyk word egter nooit gevind nie.
Monique se identiese tweelingsuster, Moné, reis na die eiland om uit te vind wat werklik met haar suster gebeur het. Wanneer sy hoor dat Monique glo van ’n krans afgeval het, begin sy vermoed dat daar meer aan die verhaal is, veral omdat Monique erg aan hoogtevrees gely het. By die hertog se kasteel word Moné deur almal vir haar oorlede suster aangesien — selfs deur die hertog. Maar waarom word sy dan feitlik soos ’n gevangene behandel? En weet Gaspard meer van Monique se verdwyning as wat hy laat blyk?
