Description
Dit is Maatskappyereg se vierde uitgawe.
Na die eerste uitgawe van hierdie werk in 1968 is die tweede uitgawe net voor die inwerkingtreding van die Maatskappywet 1973 gepubliseer. Die derde uitgawe het in 1977 noodsaaklik geword geword om die ervaring met die implementering van die Maatskappywet 1973, die substansiële wetswysigings en die ontplooiende regspraak saam te vat en in perspektief te stel.
Hierdie vierde uitgawe word in ‘n algeheel nuwe vorm aangebied. Nie alleen is die werk grootliks herskryf nie, maar die inhoud is ook herstruktureer. Die boek is heringedeel in 42 hoofstukke wat elk ‘n selfstandige bondige eenheid vorm, terwyl paragrawe genommer is onder vetdruk opskrifte. Hiermee is gepoog om die gebruikswaarde vir beide praktisyn en student te verbeter.
Met leedwese ontbeer die outeurs die bystand van hul gewaardeerde mede-outeur prof. SWL de Villiers na sy tragiese vroeë afsterwe in 1980. Sy bydrae leef egter in hierdie uitgawe nogsteets voort.
