Dis met gemengde gevoelens dat Ingrid Knudsen na jare weer haar grootwordplek, die wildplaas Imbovali, besoek. Sy word sommer weerstandig en opstandig as sy dink dat Weber Roodt, die seun van ‘n veldwagter, wat boonop jare laas op Imbovali was, hom nou wil aanmatig om die plek te koop. Dis tog Knudsen-bloedgrond.
Toe Weber daar opdaag, is hy vergesel van die bedorwe en duidelik baie besitlike Italiaanse skoonheid, Mirella, en haar sjarmante broer, Riccardo. En hulle twee veroorsaak sommer gou heelwat probleme.
