Dollaswerk Met Kreatiewe Borduurwerk – Martini Nel

Description

Oorskietmateriaal-kwilts is een van die oudste vorms van kwiltwerk. Honderde jare gelede is kwilts uit nood gemaak van ou klere en oorskietmateriaal. Die afgelope paar jaar is daar egter weer ’n groot oplewing in die maak van dollaskwilts en ander dollasartikels. Mense maak dit nou weer as pronkstukke en ook om in hul huise te gebruik as versiering.

Een van die redes hoekom dollaswerk so in gewildheid toeneem, is omdat baie verskillende kunsvorme soos kwiltwerk, borduurwerk, appliekwerk, materiaalverf en kralewerk alles in een artikel gekombineer kan word.

Die lekkerte van dollaskwiltwerk of dollaswerk (crazy patch of crazy quilt) is dat dit presies is soos die naam sê: Dit kan op feitlik enige manier aanmekaar gelas word!

In Dollaswerk word die basiese tegnieke van dollaswerk uiteengesit, asook die basiese benodigdhede, borduurwerk, blomme en motiewe wat gebruik word om dollaskwiltwerk te versier.