Die Volledige Suid-Afrikaanse Vleiskookboek – Huishoudkundiges van die Vleisraad

Description

Die Volledige Suid-Afrikaanse Vleiskookboek bevat meer as 200 beproefde resepte wat wissel van bees-, lams-, skaap-, vark-, kalfs-en bokvleisresepte, tot braaivleis, tradisionele en mikrogolfgeregte, oorskietkos, geprosesseerde vleis, afval, soppe, snoephappies, souse, marinades, bedruipmengsels en gegeurde botters.

Die Volledige Suid-Afrikaanse Vleiskookboek is omvattend, prakties en pragtig in volkeur gefilustreer en bied ook waardevolle advies oor die seleksie, rypmaking, bevriesing, lardering, bardering, ontbening en voorsny van rooivleis, asook die geskikste gaarmaakmetodes vir elke vleissnit. Nuttige inligting oor die korrekte gebruik van kruie en speserye in vleisgeregte is ook ingesluit.

Die Volledige Suid-Afrikaanse Vleiskookboek is ‘n moet vir alle fynproewers, studente, vleishandelaars en rooivleiseters wat op soek is na watertandresepte wat wissel van alledaagse disse tot indrukwekkende onthaalgeregte!