You can only add books from one seller at a time. You will need to place an order from the one seller first before placing an order with another seller.
Of jy nou vir Bitterfontein, die Blou Bulle of die Bokke speel, rugby bly ‘n spel met baie snaakse situasies, op en van die veld. Daar’s nie nog ‘n sport waaruit soveel stories uit die skrum van die lewe gehaak word nie. Boots en Brannewyn is ‘n lekker ontspanboek wat onder andere vertel van Morrie Zimerman se gatvol raak vir hoekskoppies; Ferdie Bergh se helderblou Springbok-kouse; die ref wat die Bokke teregwys dat ‘die Engelse julle darem nou lekker donner’; ‘n boerbok wat ‘n Villagers-man buite aksie stel; en Bob Skinstad se ‘noodgebed’ voor ‘n wedstryd. Daar is ook heelwat staaltjies oor legendes soos Oom Boy Louw, Dok Craven, Oubaas Mark en Colin Meads, oor breiers en refs en die manewales van die Kiwis, Aussies en die Ses Nasies-manne. ‘n Lekker-lag boek vir rugby-liefhebbers.
