Description
Tatiana en die fossiel deur Cecilia Nortjé is ’n Afrikaanse liefdesverhaal oor ’n radio-aanbieder en die man wat dit sy werk maak om haar op haar plek te sit.
Tatiana is gewoond daaraan om haar mening oor die radio uit te spreek, maar daar is een luisteraar wat haar geduld behoorlik beproef. Joshua, oftewel Meneer Beterweet, kritiseer haar gedurig tydens haar radio-inbelprogram, wys haar foute uit en beledig haar sommer voor al haar luisteraars. Sy het min ooghare vir dié irriterende stem, maar wanneer twee mense mekaar so gereeld in die hare vlieg, kan daar soms meer agter die rusie skuil as wat hulle bereid is om te erken.










