Description
Omnibus 3 met nog drie heerlike verhale uit Tryna du Toit se pen
Die nuwe dokter (1977): Dokter Hugo Slabbert besluit uit die staanspoor dat geen vrou ‘n dokter se skoene kan volstaan nie. Hy bly afsydig en bruusk teenoor dokter Karin de Wet, al wys sy gou dat sy meer as net bekwaam is. En tog is daar tekens dat sy houding ‘n masker is waaragter hy sy werklike gevoelens wegsteek.
As jy my nodig het (1977): Louise moes nog altyd in haar pragtige stiefsuster, Monica, se skadu leef. Selfs haar vriend Buks Veldman het net oe vir Monica. Maar Monica kies die welgestelde Pierre Marais bo Buks en sy Bosveldplaas. ‘n Paar maande later vra Buks Louise om te trou. Hulle is tog al jare lank vriende en deel dieselfde belangstellings. Dit sal tog seker genoeg wees?
Die lied in die bos (1984): Christine Faure se lewe is weer op dreef. Sy is ‘n suksesvolle modeontwerper en sy en die aantreklike joernalis, Marius Grove, is besig om mekaar beter te leer ken. Dan keer haar eks-man uit die buiteland terug met sy popmooi tweede vrou en hulle twee dogtertjies. Hy het Christine destyds soos ‘n sak patats gelos nadat sy hom twee jaar lank finansieël onderhou het terwyl hy sy mediese studies voltooi. Nou is hy terug in die land en skielik weer in Christine geinteresseerd.
