T-hemp in ’n tuimeldroër deur Naomi en Maretha Maartens is ‘n boek wat jou wil help om die gevoelens wat deur jou spoel, te verstaan. Dit wil jou lei om in te sien wat die Here te se het oor daardie warboel van emosies wat jou lewe so heen en weer skommel.
Jou lewe is vol emosies. Soms werk dinge vir jou uit. Of jy maak foute en maak droog… Jy beleef liefdesteleurstellings en mens-teleurstellings. Soms voel jy uitbundig en uitgelate, of giggelrig en sommer net lekker. Of jy beleef noue ontkomings met vriendskappe en op seksuele gebied, of soms geen ontkomings nie. Jy presteer en voel hoe jy grootkop kry; of jy haal nie die leerlingraad nie en voel soos ‘n hond. So tuimel en tuimel jy tussen jou buie rond.
