Somerkos In Provence deur Marita van der Vyver is ‘n Kosboek vol pragfoto’s, kookstories, resepte en idees – ‘n heerlike mengsel van verbeelding en gesonde verstand, lekkerbekkigheid en praktiese oorwegings, wat die minder én meer ervare kok sal begeester en besiel.
Die resepte hierin is die kos wat hulle groot gesin en vriende kuier-kuier onder die plataanboom voor hulle kliphuis geniet. Dis lentekos, somerkos, Mediterreense en Provensaalse kos wat net so lekker onder ‘n jakaranda of kiepersol sal smaak.
