Jy Is Bekoorlik – John Eldredge, Stasi Eldredge

Description

Wat Die ongetemde hart vir mans gedoen het, sal Jy is bekoorlik! vir vroue doen…

Die meeste dogtertjies droom daarvan om deel te wees van ’n groot avontuur, om die prinses in die verhaal te wees wat deur haar prins gered word. Maar wanneer hulle grootword, word hulle toegegooi onder allerhande pligte en verwagtings; word hulle verwond en misverstaan; word vrouwees wat ’n vreugde en ’n gawe moes wees, ’n ondraaglike las wat hulle alleen, onseker en moeg laat. Jy is bekoorlik! wys hoe ’n vrou se hart herstel kan word om die vryheid, krag en skoonheid te beleef wat vir haar bestem is.

Dit bring vroue terug na die drie kernbegeertes van hul hart:

1. om deel te wees van ’n avontuur,
2. om mooi te wees
3. om bemin te word

Dit wys hoekom God die enigste Een is wat daardie begeertes volmaak kan bevredig. Jy is bekoorlik! is nie nóg ’n stel reëls om te volg as jy ’n ‘goeie Christenvrou’ wil wees nie. Dit begin by wat wat jy geskep is om te wees, en nooi jou uit om jou vroulike hart, wat na God se beeld geskep is, terug te kry. Om die onvervangbare rol waarvoor jy bestem is uit te leef en jou unieke skoonheid aan die wêreld te bied.

John Eldredge is die direkteur van Ransomed Heart be­dieninge, ’n gemeenskap wat hulle daaraan toewy om mense te help om die hart van God te ontdek.