Description
Piekfyn Afrikaans Leesboek vir Huistaal (Graad 4) deur Riens Vosloo en Fanie Viljoen is ’n leesboek vir Graad 4-leerders in die Intermediêre Fase. Die boek bied ’n verskeidenheid literêre genres om leerders se leesvaardighede te ontwikkel, waaronder kort verhale, langer stories en uittreksels uit romans, fotoverhale, kort dramas en gedigte.
Benewens literêre tekste bevat die boek verskillende inligtings- en mediatekste soos poskaarte, briewe, pamflette, plakkate, koerantberigte, resensies, onderhoude, verslae en advertensies. Begripsvrae is volgens verskillende kognitiewe vlakke saamgestel, terwyl woordverklarings en toeligting by moeiliker tekste ekstra ondersteuning bied. Die boek lei leerders ook deur die verskillende stappe van die leesproses. Antwoorde vir al die vrae is gratis op die uitgewer se webtuiste beskikbaar.
