Katvis — Annelie Botes

Description

Ná twaalf jaar keer Annelie Botes – geliefde outeur van Trippel sewe, Klawervier, Raaiselkind en Thula-Thula – terug met ’n aangrypende nuwe roman, Katvis.

Maria het twaalf jaar lank vasgevang gebly in ’n huwelik met Gerhardus, gekenmerk deur magsbeheptheid, sadisme en voortdurende dreigemente, selfs ná die egskeiding. Op 10 April 2022 besluit sy dis genoeg. Sy verlaat die Baai met net haar handsak, ’n koffer en haar viool, vasbeslote om ’n nuwe begin te maak op Matoli Meadow, ’n gasteplaas in die Maclear-distrik.

Maar skaars het sy haar nuwe lewe betree, of sy ontdek dat die jare saam met Gerhardus bloot voorbereiding was vir ’n nog groter nagmerrie. In ’n donker kelder, vasgevang deur ’n gewetenlose bedrieër, word elke minuut ’n stryd om oorlewing.

Katvis bevestig hoekom Annelie Botes steeds as een van Suid-Afrika se mees kragtige en ontroerende storievertellers beskou word.