Joe Speedboot – Tommy Wieringa

Description

Die stories bereik die veertienjarige Fransie in sy hospitaalbed. Stories oor ‘n nuweling wat besig is om vuur te maak (soms heel letterlik) onder die plattelandse verlamming van hul klein Nederlandse dorpie, Lomark. Die Joe Speedboot is ‘n seun met aweregse planne en ysere wil, en in ‘n japtrap neem hy Lomark ordentlik op horings met middernagtelike ontploffings en ‘n tuisgeboude spioenasievliegtuig.

Dis ook Joe wat ‘n paar jaar later besef dat die verlamde Fransie se ooronwikkelde rolstoelarm van hom ‘n meesterarmdrukker sal maak, en die twee vriende ontdek ‘n macho toernooiwêreld waarvoor fransie se fassinasie met samoeraivegkuns hom uitmuntend voorberei het. Natuurlik is daar ook ‘n meisie, die Suid-Afrikaanse PJ, op wie albei verlief raak. Om van die resieslaaigraaf nie te praat nie…