Wat almal verwag het, gebeur toe: Kobie Malan is Maasdorp se nuwe hoofmeisie! Kobie is dolgelukkig omdat sy haar ideaal verwesenlik het. Boonop is sy ook die skool se sportkaptein. Maar ‘n ramp tref Maasdorp en dreig om ook Kobie se geluk te vernietig: juffrou Van der Westhuizen, die gewilde hoof wat Maasdorpskool die beste meisieskool in die land gemaak het, verlaat die skool onverwags. Wat gaan van die skool en sy tradisies word, veral aangesien die nuwe hoof, juffrou Brand, heeltemal ander idees en opvattings het? Juffrou Brand dreig om heelwat veranderinge aan te bring; selfs om die trotse skooldrag af te skaf en om weg te doen met prefekte. Vir Kobie en haar vriende is dit nie meer hulle geliefde Maasdorp nie en hull is diep ongelukkig. Sal sake ooit weer regkom? Die Maasdorpers is egter vasbeslote om iets te doen, en met die Drie Muketiers se vindingryke planne gebeur daar vinnig merkwaardige dinge by Maasdorpskool!
Hoofmeisie Kobie is die agste titel in die gewilde Maasdrop-reeks.
