You can only add books from one vendor at a time. You will need to place an order from the one vendor first before placing an order with another vendor.
Die Staat vs Oscar deur Marida Fitzpatrick gaan oor die storie van die dekade: Oscar Pistorius se moordverhoor.
Dis ‘n liefdesverhaal wat ‘n misdaadriller geword het, ‘n sprokie wat in bloed geeindig het. Dit het die land geruk, die wêreld geboei en sal in die geskiedenis bekendstaan as die opspraakwekkendste hofsaak tot nog toe in Suid-Afrika.
En dís hoe Marida Fitzpatrick die verhaal vertel. Sy weef die skrikwekkende gebeure van daardie noodlottige nag en die mees dramatiese hoofstukke van die verhoor op só ‘n manier ineen dat dit soos ‘n spanningsverhaal lees. Tussendeur dié boeiende vertelling is uittreksels uit onderhoude wat Fitzpatrick met van die betrokkenes se naastes gevoer het.
Saam met al die menslike vertellings verskyn daar ook ‘n interessante ontrafeling van die tegniese aspekte van die verhoor: Wat het die ballistiek, die getuienis oor die gille en Oscar se twee verwere uiteindelik vir hom beteken?
Dit word alles geïllustreer met treffende foto’s wat op die toneel geneem is en grafiese voorstellings.
Your payment is securely held by Tradesafe and only released to the seller once you’ve received and accepted your order. This ensures your money is safe until you are satisfied with your purchase.
