Die Lekkerste Lekker deur Kerneels Breytenbach is nie net nog ‘n kookboek nie, dis ‘n ode aan alle smulpape en lekkerbekke – die mense wat weet dat eet nie net oor oorlewing gaan nie, en dat lekker kos nie net ‘n toevallige gebeurtenis is nie. Die boek is ‘n hutspot van ou familieresepte en moderne kookkuns – van hoender-en-appelkose en slaphakskeentjies tot Mongoolse lamsboud en witsjokolade-en-bessie-tiramisu. Die Lekkerste Lekker neem die leser op ‘n kulinere ontdekkingstog – en stel jou voor aan unieke karakters soos Tant Sannie Leeukuil, Sjef Zhong Hua Hao en Samajoor Dewald de Beer.
