Lorna is soos ‘n stukkie metaal wat deur ‘n magneet aangetrek word. En die magneet is Kit Peters, held van haar kleintyd.
Sy loop hom weer op die safari na die Victoriavalle raak, en sy weet, nee, glo hulle is vir mekaar bestem.
Hy word haar spilpunt, haar kern, die kroon van haar bestaan – Kit, die man met deernis, met integriteit.
Maar die saadjie van agterdog word by haar geplant. Is hy werklik die ontrou minnaar? Is sy soos die dooie ruiker wat sy eksvrou vir haar gestuur het? Net goed genoeg om weggegooi te word? Hoe gemaak as haar hart vir nou en ewigheid net plek vir hom het?
