Zanne Heunis is ongekunsteld, lief vir die natuur en van kleins af al vriende met Nico Viljoen, wat vir haar soos ‘n dierbare ouboet is. Sy woon en werk op die wildplaas Elandskuil wat behoort aan Luke Reynolds. Luke besluit om by sy kinders in Australië te gaan woon en kondig aan dat die plaas voortaan bestuur gaan word deur George Russel, ‘n Amerikaner wat graag op ‘n wildplaas wil werk.
Zanne is die eerste een om die “Yankee” te ontmoet, maar dis allesbehalwe ‘n aangename ervaring. Boonop word haar lewe baie gou versuur deur sy beeldskone blonde Amerikaanse vriendin wat dit duidelik maak dat sy hom met niemand gaan deel nie…
