Roosknop Vir ‘n Engel openbaar ’n intiemer sy van Ena Murray, die mees gelese romanskrywer in Afrikaans. Die verse in die bundel is ingegee deur haar persoonlike ervaringe oor baie jare, en vertel van twyfel, selfverwyt en verlies, maar ook van die durende krag van liefde en geloof. Uiteindelik word hierdie fluisteringe en krete uit die hart van ’n vrou ’n loflied op die lewe en op die goedheid van God.
