Jaarliks word daar in Barcelona ‘n wedstryd gehou waar volksdigters hulle poësie aan die skare kom voordra, en uiteindelik word daar drie pryse toegeken. Die man wat die derde-beste gedig voorgedra het, ontvang ‘n roos van silwer. Die digter van die tweede- beste vers ontvang ‘n roos van goud. En die digter wat die eerste prys verower, kry ‘n pas-ontluikte, egte roos.
Enige land waar die lewe op so ‘n instelling berus, besit die soort skat waarvoor mens al jou besittings kan verkoop.
Geen wonder dus dat André P. Brink hom sterk aangetrokke voel tot Spanje en dat hy in 1964 besluit het om die land opnuut te gaan besoek nie. Die resultaat is Olé, ‘n voortreflike boek oor Spanje, met as draad wat deur die hele werk loop, die wedervaringe van die grootste Spanjaard: Don Quijote de la Mancha.
Omdat Don Quijote so ‘n wesentlike element van die boek uitmaak, was dit ‘n eer en ‘n vreugde om verlof te kon verkry om Picasso se beroemde gouache van die Don en Sancho Panza op die stofomslag van Olé te gebruik.
Your payment is securely held by Tradesafe and only released to the seller once you’ve received and accepted your order. This ensures your money is safe until you are satisfied with your purchase.
