Na haar ouers en hulle buurman se dood erf Janine Viljoen tot haar verbasing nie net een plaas nie, maar twee. Daar wag egter nog verrassings op haar. Op Groendal – haar ouers se plaas – is ‘n plaasbestuurder van wie sy nie geweet het nie, aan die roer van sake.
Dis toe Janine hom ontmoet dat sy die volgende verrassing – of eerder skok – kry. Want nie net ken sy die man nie, maar die herinneringe aan wat tussen hulle gebeur het, laat haar steeds skaam en verneder voel.
Sal Janine die gebeure van die verlede te bowe kan kom? En sal Pieter, haar gawe kollega, haar dalk kan help om weer liefde te vind?
