‘n Tuiste vir Bitis – Freda Linde

Description

Martinus is amper sestien en in standerd 9. Hy hou van sy skoolwerk, maar op ‘n Vrydag konsentreer hy met moeite. Dan is sy gedagtes by die takkraal wat hy aan die bou is – in die laagtetjie, met die olienhoutboom in die middel, sodat hy vanaf ‘n krom boomtak die hele sandlaagte kan bespied. Sy ouers en sy beste vriend, Dawid, sal meen dat hy daar wil sit en leer, of voëls teken, maar die werklike rede is Bitis arietans, ofte wel Bitis, ‘n jong pofadder wat hy besig is om mak te maak.

Die vriendskap tussen die seun die en die pofadder is egter slegs die leitmotiv van ‘n ongewone , meesleurende verhaal met baie fasette. Daar is vreemde spore in die takkraaltjie – dié van  Tokkels, wat pas uit die tronk vrygelaat is. Tokkels bedreig vir Bitis om Martinus by te kom. Maar Bitis word veral bedreig deur die mens, met sy afkere en bygelofies en vooroordele, wat hom daarvan weerhou om rede te verstaan of selfs net objektief met sy oë te kyk. Op ‘n dag gebeur dit waarvoor Martinus se ouers die heeltyd gevrees het. Dan word die druk groot en Bitis moet weg!

In hierdie boeiende verhaal word nie net die lotgevalle van Martinus en sy slang uitgebeeld nie, maar ‘n hele plattelandse gemeenskap, asook die natuur as die wonderbaarlike skepping van Bo…