You can only add books from one seller at a time. You will need to place an order from the one seller first before placing an order with another seller.
Tussen kombuisvullis op die sypaadjie ontmoet Zoevir Jean-Pierre Coetzee. Op sy rug tussen die pap slaaiblare en aartappelskille, sy bo-op hom.
Nie juis romanties nie, maar ‘n mooier man het Zoe in haar dag des lewens nie aanskou nie.
Sy ken sy reputasie – hy maak vroue sag en los hulle dan soos ‘n warm patat. Nog ‘n slagoffer sal sy nie wees nie.
Jean-Pierre belowe hulle sal net vriende bly. Maar haar hart en haar lyf gaan so op hol dat sy eindelik besluit sy sal die jagter word, al is sy ‘n groentjie in die liefdespel. Sy weet net nie van sy donker geheim wat sy oorgawe keer nie.
