Meisie aan ‘n tou is ‘n verfrissende anderse liefdesverhaal, wat die leser tegelykertyd sal boei en verras.
Marli Dippenaar, ‘n jong skeikundige by ‘n navorsingsinstituut, is ‘n stiefkind van die lewe. Sy kon nooit vir haar pa die seun wees wat hy so graag wou he nie. Boonop word haar vertroue in die Adamsgeslag keer op keer geskok en sy word ‘n siniese harde mens wat alle mans wantrou – almal behalwe haar geliefde en troue vriend, Bert Lotriet, wat saam met haar by die navorsingseenheid werk. Sy toon haar waardering vir sy vriendskap deur dan en wan ‘n guns aan hom te bewys. Omdat sy lief is vir hom, bied sy aan om een Vrydagaand na kantoorure belangrike toetsresultate vir hom in die rekenaar te sleutel.
Dit is die aand wat haar prosaiese bestaan in ‘n oogwink radikaal sou verander …
Wie is die geheimsinnige Abubakr wat vir ‘n Suid-Afrikaanse wetenskaplike in sy motor wag? Wat se duistere projek word beplan?
