Charmaine herken hom dadelik, die geskiedenisonderwyser op wie sy destyds hopeloos en vernederend verlief geraak het. En Rolf Delport se uitwerking op vroue is nog net so verwoestend. Deesdae professor aan Cambridge en sy professor op Stellenbosch, onthou hy haar nie. Sy is lank nie meer die mollige matriekmeisie nie. Met ‘n gemeenskaplike belangstelling in Egiptologie neem hulle deel aan die uitgrawing in die Vallei van Koninginne, op soek na Isetnefret se graf. En weer moet Charmaine die flardes van haar emosies bymekaarmaak. Sy het dalk die graf opgespoor, maar haar hart het weer in die slag gebly. Rolf Delport vertrap gewetenloos. Sy moet vlug en haar laaste bietjie waardigheid red.
