In Die Tweede verslag van ‘n buitengewone ontmoeting ontmoet die 15-jarige Maria vir Lodewyk, ’n mariene-bioloog. Die ontmoeting was iets besonders, soos ook hul ontmoeting met die dolfyne. En die volgende keer, toe Lodewyk nie meer daar is nie, red die dolfyne haar lewe – voorwaar ’n tweede buitengewone ontmoeting.
’n Aangrypende jeugroman van die bekroonde Rona Rupert oor ’n ongewone en betekenisvolle kennismaking met die dood, oor jeugvriendskap, eerste liefde, en die wonderwêreld van dolfyne. Dié boek het nie net ’n buitengewone titel nie, maar is ook buitengewoon suksesvol met herdrukke sedert die eerste uitgawe in 1981.
