Kitare En Ander Snare – Ollie Viljoen

Description

Die naam Ollie Viljoen is lank reeds volksbesit. Hy is bekend as veelsydige musikant en vermaaklikheidster, sonder twyfel een van die grootste stimuleerders van die storieverteller- en boeremusiektradisie in Afrikaans. Oor ‘n tydperk van dertig jaar was Ollie regisseur van die gewilde TV-programme soos Kom kuier saam, Spies en Plessie, Maak ‘n las, Kyk-innie-pot en die Boereorkes-kompetisie. Sedert 1994 tree hy ook op in Stoepstories, waar hy storievertellers aan die publiek bekendstel. Boonop is Ollie ‘n radiopersoonlikheid, gelied vir sy Boeremusiekprogram op RSG. Ollie Viljoen word in Afrikanergeledere beskou as n ikoon en groot liefhebber van sy moedertaal. Sy eerste publikasie, Kitare en ander snare – Ollie Viljoen vertel, bevat ‘n versameling stories, staaltjies en insidente uit sy loopbaan, asook meer as twintig van sy gedigte, wat hy rympies noem.