Diep, diep in ‘n donker bos, waar die son net soms deur die takke loer, en die varings welig diepgroen staan, woon die Babalela, en Wrrrumpie, die haastige en lastige wurm; die humeurige Knortand wat na almal hap met sy skerp bek; Potifant met sy reuse pote, wat kyk waar hy trap, maar nie altyd trap waar hy kyk nie; die nuuskierige Meermoskat; en die agt Fripperwakkies wat nie vir ‘n oomblik ophou kwetter nie.
