Die Steenkoolster deur Johan Volschenk is ’n jeugverhaal oor Joshua, ’n 14-jarige seun wat ná ’n busongeluk sy geheue verloor. Sonder om te weet wie hy is, beland hy in Soweto en kry werk by ’n steenkoolwerf. Sy talent vir sokker en musiek laat hom gou uitstaan, maar net wanneer hy musiek maak, kom flitse van sy verlede terug. In sy soektog na sy ware identiteit ontdek Joshua dat lewenswaardes belangriker is as waar jy vandaan kom.
