Die sleutel tot haar liefde – Marlee Tesselaar

Description

Vir Rykie du Toit het die oomblik van waarheid aangebreek. Ná drie jaar is sy terug op Voetseer, die Du Toits se familieplaas in die Groot Karoo. Nie net om haar trouman, dokter Werner Hansen, aan haar ouers voor te stel nie, maar om haar jeugliefde, Benjamin Tredoux, te konfronteer. Drie jaar gelede het hy haar liefde vertrap en Lidia bo haar verkies, en toe Lidia kort voor hul troue tragies verongeluk, het hy Rykie daarvoor verantwoordelik gehou. Die bitter verwyte wat hy haar destyds toegesnou het, brand nog soos vuur in haar gemoed. Eers as Rykie die verlede begrawe het, sal sy geluk saam met Werner kan vind. Maar die Benjamin wat sy nou ontmoet, is ‘n heel ander man as destyds …